Mbetëm eksperiment. Pasi na përdorën si kavje për reformën në drejtësi, tani si minj të bardhë prapë për koronavirusin.
Ministrja e Shëndetësisë dhe Mbrojtjes Sociale, Ogerta Manastirliu ka bërë më dije se Shqipëria është përzgjedhur nga Organizata Botërore e Shëndetësisë për t’u bërë pjesë e një studimi klinik ndërkombëtar për të optimizuar protokollet e trajtimit të koronavirusit.
“Për trajtimin e pacietëve me COVID19 po ndiqen protokollet si në vendet e tjera, përdorim po ato linja trajtimi. Shqipëria për herë të parë do të jetë pjesë e një studimi të madh klinik, “solidarity trial”, iniciuar nga OBSH. Do jemi pjesë e një skuadre botërore për hetimin klinik duke përfshirë antiviralët dhe hydroxychloroquine”, u shpreh ministrja.
Ministrja Ogerta Manastirliu gjithashtu deklaroi se strategjia e testimit vendoset nga ekspertët dhe se gjurmimi epidemiologjik kryhet sipas standardeve. Ajo konfirmoi se janë bërë porosi edhe për 30 mijë teste të tjera për Covid 19.
