Gjykata e Tiranës ka caktuar masën e sigurisë arrest me burg për Agron Selmanin i cili u arrestua të mërkurën për mashtrim dha falsikim dokumentash për Ambasadën Amerikane.
41-vjeçari Selmani akuzohet për veprat penale të “Mashtrimit” dhe “Falsifikimit të dokumenteve shkollore”.
Shërbimi Diplomatik i Sigurisë DSS zbuloi se mes dokumenteve që kishte dorëzuar për të marrë vizën përmes lotarisë, Selmani kishte edhe një diplomë të shkollës së mesme “Jordan Misja” në Shkodër, e cila rezultoi të ishte fallco.
Arrestimi i 41 vjeçarit u bë kur sapo doli nga Ambasada Amerikane pasi ishte paraqitur për të dhënë intervistën për të marrë vizën.
