Marrëveshja e opozitës/ Shpëtim Idrizi: Kryeministri është bërë si drejtor i Teatrit të Kukullave (film)

Partia Demokratike nënshkroi një marrëveshje me 10 pika me aleatin e saj Partinë për Drejtësi Integrim dhe Unitet. Kjo marrëveshje është kthyer në një platformë për të gjithë koalicionin opozitar.

Kreu i PDIU, Shpëtim Idrizi në një dalje për mediat, deklaroi se duhet të bashkohemi të gjithë bashkë për t’i dhënë Shqipërisë një zgjidhje politike.

Idrizi theksoi se kjo na detyron ne si forca politike opozitare që të mos vrapojmë për t’u bërë pjesë e farsës elektorale, por të bashkohemi bashkë për t’i dhënë Shqipërisë një zgjidhje politike.

Populli ynë po vuan nga lufta, do luajmë për ta në Botëror –

Në UKT nuk pyetet më për eksperiencë, por “nga je?”, kush eshte koordinatorja e preferuara e drejtorit Shoshi… –

Pas largimit të rojeve, çmontohet gjatë natës gardhi rrethues në Zvërnec dhe Akërni –

Makina përfundon në kanal në aksin Lushnje-Fier, banorët shpëtojnë babë e bir –

“Në konsideratën tonë, ne mendojmë se Shqipëria është në një moment shumë delikat dhe të rrezikshëm të demokracisë, sepse vendi po rrëshket në hullitë e pluralizmit politik. Opozita dhe mazhoranca duhet të jenë pjesë aktive e sistemit, opozita është garante e pluralizmit. Por, në kushtet e kapjes së shtetit, të ekonomisë, kapjes së gjyqësorit, në kohën që ne po kërkojmë që të kemi zgjedhje të lira dhe të ndershme, ne po shohim që kjo shumicë kërkon që jo vetëm të emërojë opozitën, por edhe Parlamentin e ka kthyer si teatër kukullash, kurse kryeministri duket si drejtor i teatrit të kukullave. Kjo është demokracia, sepse nuk mund të tentojë të përsërisë Ramiz Alinë e vitit 1991 që u fut në zgjedhje në 1991 me Partinë e Punës dhe me Bashkimet Profesionale. Kjo nuk mund të funksionojë. Kjo qeveri po i largon shqiptarët çdo ditë, ndërsa sot e ka mendjen të qeverisë opozitën. Të bashkohemi për t’i dhënë Shqipërisë një zgjidhje politike nga zgjedhjet e lira dhe të ndershme. Sot është e nevojshme që Shqipëria të ketë një jetë normale, për t’u kthyer shqiptarëve dinjitetin dhe normalitetin. Si forca politike opozitare mos vrapojmë të regjistrohemi për t’u bërë pjesë e farsës elektorale, por të bashkohemi për t’i dhënë Shqipërisë një zgjidhje politike. Shqipëria duhet të kthehet në rrugën e demokracisë”, u shpreh kreu i PDIU, Shpëtim Idrizi.