Marrëveshjen e arritur për dokumentet mes Kosovës dhe Serbisë, është përshëndetur edhe nga ish-presidenti Ilir Meta. Ai shprehet se ky është një lajm pozitiv dhe se Partia e Lirisë beson se vetëm nëpërmjet vijimit të dialogut mund të arrihet në një zgjidhje e qëndrueshme mes dy shteteve.
“I mirëpritur dhe pozitiv lajmi i dhënë sot nga Përfaqësuesi i Lartë i BE-së për Politikë të Jashtme, Josep Borrell sipas të cilit “Serbia ra dakord të shfuqizojë dokumentet e hyrjes/daljes për mbajtësit e ID-së së Kosovës dhe Kosova u pajtua që të mos i prezantojë ato për mbajtësit e ID-së serbe”. Partia e Lirisë beson se vetëm nëpërmjet vijimit të dialogut të lehtësuar nga BE dhe SHBA, si dhe respektimit të frymës dhe vlerave europiane mes Kosovës dhe Serbisë, mund të arrihet në një zgjidhje e qëndrueshme në thelb të së cilës duhet të qëndrojë njohja reciproke midis dy shteteve” – shkruan Meta.
