Kreu i PDIU, Shpëtim Idrizi ka reaguar në lidhje me çështjen e detit, ku siç ai shprehet se për shkak të problematikës që ne kemi me Greqinë, kryeminitri shqiptar ka pranuar këtë marrëveshje duke bërë dhe avokatin mbrojtës i kryeminitrit grek.
I ftuar në studion e ABC News, Idrizi shprehet se bëhet fjalë për zgjerimin të kufirit detar në perëndim deklaronte kryeministri i Greqisë, ku kujton dhe ligjin e Njutonit, kur njëri rritet, tjetri zvogëlohet.
“E gjithë kjo situatë kulmoi me një deklaratë të kryeministrit të greqisë që të sillte një projektligj në parlamentin e Greqisë ku Greqia në një mënyrë të njëanëshme do të zgjeronte ujrat e saj territorial, nga 6 deri në 12 milje në drejtim të perëndimit, ku do të njoftoheshin Itali dhe Shqipëria sepse bëhët fjalë për detin Jon. Një deklaratë e tillë do të sillte një reagim dhe shqetësim të gjithë opinionit publik shqiptar. Kishim edhe deklaratën e ministrit të jashtëm të Greqisë që kishte marrë dakordësinë me Shqipërinë. Këtij shqetësimi iu përgjigj kryeministri duke pranuar këtë gjë dhe duke bërë edhe avokatin e Mitsotakis. Thënë kështu ne duhet të kuptojmë mirë që gjatë gjithë kësaj kohe na është servirur Konventa Ndërkombëtare. Këtu ngrehen disa pyetje që opinioni ka nevojë të sqarohet. Pse pikërisht tani? Greqia asnjëherë nuk e ka ngritur këtë pretendim asnjëherë më parë. Dhe të ndajmë dy gjëra deklarimin e Greqisë dhe të ashtuquajturën marrëveshje për detin. Në rastet kur nuk është mundur, kur nuk janë 12 milje përballë, atëherë kjo shpallje bëhet me dakordësimin dy pakësh. Është për tu habitur që kryeministri e pranon këtë të drejtë të Greqisë.
Nëse dikush zgjerohet, dikush zvogëlohet. Nuk bëhet fjalë për marrëveshje se ajo për mometin është e bllokuar. Shqipëria duhet të ishte shumë e vëmendshme. Nëse do të shihnim hartë, aty dy ishujt për të cilën bëhet diskutime marrin fuqi se zgjerohen 12 milje nga Italia dhe automatikisht drejt Shqipërisë.
Është një precedent që do i shkaktojë probleme Shqipërisë. Pse kryeministri e pranon zgjerimin apo këtë të drejtë? Pse Greqia e bën tani, ndërkohë që u tërhoq para dy viteve, ku konflikti me Turqinë është i ndezur. Ne nuk ruajmë interesat tona, por përfshihemi më shumë në një konflikt që nuk na takon. Të gjitha këto pyetje kryeministri i Shqipërisë duhet t’i sqarojë. Bëhet fjalë për zgjerimin në perëndim. Ne do zgjerohemi thotë kryeministri i Greqisë. Prandaj mora ligjin e Njutonit, kur njëri rritet, tjetri zvogëlohet.”, u shpreh Idrizi.
Gjithashtu Idrizi u shpreh se Shqipëria dhe Greqia duhet të bëjnë marrëveshje për kufirin tokësor, në mënyrë që ato të mos hidhen në diskutim.
“Në vitin 2009 janë bërë dy gabime të mëdha jo vetëm nga paaftësia e palës sonë bëri që ne të bënim një marrëveshje që na bënte të humbisnin duke pranuar diskutimin e kufijve detarë. Kufijtë detarë dhe tokësorë mes Shqipërisë dhe Greqisë janë të njohura që në vitin 1913 dhe nuk kanë nevojë të rihapen. Këto dy vende mund të diskutojnë vetëm për kufijtë. Në vitin 2009 u bënë dy gabime, e para diskutimi për kufijtë detarë. Në 2009 gabimin e qeverisë së asaj kohe që hyri në diskutim për kufirin detar dhe në gabimin që u korrigjua nga Gjykata Kushtetuese që sot nuk e kemi. Ata e mbajnë akoma edhe nga pikëpamja formale që ka një ligj lufte me Shqipërinë, kjo u vërtetua nga marrëveshja e firmosur nga dy ministrja mbrojtje. Kjo marrëveshje mori një status të veçantë për varrezat greke çdo 28 tetor” deklaroi Idrizi.
