Mark Marku drejtuesi i fushatës së opozitës në Qarkun e Lezhës ka hequr nga mandati i tij si deputet. Ai nuk do të jetë pjesë e Kuvendit të ri.
Në vend të tij në Kuvend do të jetë Elda Hoti, e cila deri dje ishte në pjesën jo fituese të listës.
Kujtojmë se Marku është një nga kritikët e kreut të PD, Lulzim Basha lidhur me strategjitë e përdorura.
Me sa duket këto kritika nuk kanë marrë zgjidhje në PD dhe kështu Marku ka zgjedhur të lërë mandatin e tij të deputetit.
“Etapat e njëpasnjëshme të rënies së vazhdueshme te PD-së në një rutinë humbëse dhe se Basha është thjesht “kryetar i partisë së Berishës”, PD po shndërrohet në një parti që mbron interesat personale të dy liderëve të vet, Berishës dhe Bashës dhe të një grupi të ngushtë drejtuesish të PD-së duke tradhtuar interesat e atyre që e kanë mbështetur me aq mund, përkushtim e sakrifica”,- mësohet të ketë deklaruar Marku në fjalën e tij të dorëheqjes.
