“ Jemi gati të nisim procedurën dispplnore për çdo gjyqtarë të korruptuar”
Ministri i Drejtësisë, Ylli Manjani, reagoi pas deklaratës së ambasadorit amerikan Donlad Lu, i cili tha se SHB-të kanë refuzuar vizë për gjyqtarë shqiptarë të korruptuar. Në një deklaratë për mediat, Manjani tha se është i gatshëm të nis procedurë disiplinore për çdo gjyqtarë të koprruptuar. Ministri i drejtësisë ka theksuar se do të kërkojë informacion për çdo gjyqtar të korruptuar përfshi këtu edhe listën e atyre që SHBA-të i kanë refuzuar vizën. “krimit të organizuar duhet t’i përgjigjemi me struktura të organizuara.”, ka thënë Manjani.
Gjatë një takimi me me kreun e Gjykatës së Lartë, temë “bashkëpunimi për çështjet penale”, kreu i drejtësisë shqiptare tha se realiteti ku sot jetojmë kërkon një qasje moderne.
“Krimit të organizuar do t’i përgjigjemi me strukturë të organizuar. Realiteti ku jetojmë kërkon një qasje më moderne. Askush nuk mund të shpëtojë nga procesi gjyqësor”, u shpreh Manjani.
Më tej ministri i Drejtësisë theksoi se duhet të bashkëpunojmë për unifikimin e praktikave gjyqësore dhe se duhet të shkëmbejmë praktika që kultura e ndëshkimit të jetë njëlloj.
