Ambasadori amerikan Donald Lu tha se Manjani duhet të ketë kujdes me deklaratat që bën për LGBT, por nuk ka vonuar përgjigja nga ish-ministri i Drejtësisë.
Ylli Manjani, i është përgjigjur deklaratës së Lu, duke i thënë se “po ndjek me vëmendje debatin për përfshirjen e tij në dorëzimin e Sistemit të Drejtësisë së Shqipërisë në duart e Qeverisë”.
“Në vijim të mos shfokusimit, një përgjigje për Ambasadorin Amerikan që ka më shumë përparsi LGBT:
Edhe unë zoti Lu, po ndjek me vemendje debatin në Amerikë për përfshirjen Tuaj në dorëzimin e Sistemit të Drejtësisë së Shqipërisë në duart e Qeverisë!
Kjo është më e rëndësishme!
Ndjesë që nuk debatoj dot me ty në Kuvend sepse nuk jam deputet!”, shkruan Manjani.
