Ministrja e Shëndetësisë, Ogerta Manastirliu ka deklaruar nga Vlora se kriteri i përzgjedhjes së të moshuarve personalitete mbi 80-vjeç që do të vaksinohen të parët janë ata me sëmundje të tjera bashkëshoqëruese.
Manastirliu u shpreh se do të organizojmë punën për të vazhduar personat mbi 80-vjeç duke marrë fillimisht personat me sëmundje.
“Mjekë dhe infermierë të spitalit rajonal të Vlorës. Dhe më pas edhe i spitaleve bashkiake, do vijnë të Sarandës dhe qarqet e tjera. Do vazhdojë procesi i vaksinimit nëpër qendra të përqendruara. Me ardhjen e vaksinave do vazhdojnë vaksinimi i kategorisë mbi 80 vjeç. Këtë javë kemi një ritëm të mirë., Dje janë kryer 600 vaksinime. Ajo që jemi duke bërë është që të gjitha shtëpitë e të moshuarve të vaksinohen menjëherë. Sot kanë mbërritur 200 doza vaksine. Ne 7020 dozat e ardhura duhet të mbarojmë vaksinimin sa më shpejt që të mbrohen ata që na mbrojnë ne. Me ardhjen e dozave të tjera do shtrijmë vaksinimin e bluzave të bardha edhe të personaliteteve mbi 80 vjeç. Jemi duke organizuar punën sipas një plani të mirëfilltë. Vaksinimi është një sfidë për të gjithë. Dua të falenderoj stafin e vaksinatorëve në terren. Ka pasur pranueshmëri vaksinimi si proces falë punës së bërë. Të hënën do shtrijmë vaksinimin dhe do vijojmë të kemi një mirë menaxhim të situatës së epidemisë në vend, Sjellja individuale në luftën nga virusit është thelbësor.
Ne nuk do të ndalemi me kaq. Të gjithë të moshuarit do të vaksinohen, Do të organizojmë punën për të vazhduar personat mbi 80-vjeç duke marrë fillimisht personat me sëmundje. Ne kapacitetet i kemi për të vaksinuar mbi 200 individë në ditë këtu në Vlorë. Ne kemi mundësi ta shtrijmë vaksinimin.
Është në dorën tonë dhe të gjithë qytetarëve që zinxhiri ynë i solidaritetit të ndërpresë zinxhirin e infeksionit. Të gjitha vendimet që do të marrim do të jenë të bazuar në disa kritere, në lidhje me rastet e reja. Nuk duam të shkojmë drejt masave kufizuese por nëse zbatojmë masat e vendosura do të ketë një kontroll shumë të mirë të epidemisë. Ne kemi fuqizuar kapacitetet. Spitali i Vlorës i është nënshtruar një rehabilitimi të plotë me standard bashkëkohore. Të gjitha spitalet rajonale janë duke ofruar shërbime për ata që janë raste të dyshuara dhe sipas skenarëve do të vazhdojë hapja e spitaleve rajonale”, tha ministrja.
