Ministrja e Shëndetësisë Ogerta Manastirliu ka deklaruar sot se, në javët e para të marsit, Komiteti Teknik do të rishikojë masat anti-covid. Ndër të tjera, ministrja vuri theksin tek rëndësia e vaksinimit anticovid, duke u shprehur se ky është element kyç për rivlerësimin e masave.
“Masat anti-covid mund të rivlerësohen në javët e para të marsit. Jemi duke vlerësuar me shumë kujdes situatën epidemiologjike, kemi indikatorë të përmirësuar, një incidencë e cila është në ulje, por sa i përket rasteve aktive vijojmë të kemi dhe duhet të tregojmë kujdes. Duke shpresuar që do të jemi në indikatorë të përmirësuar, do të rivlerësojmë masat në dy javët e para të muajit mars”, tha Manastirliu.
Sakaq, ajo bëri me dije se, deri tani janë kryer mbi 2 milion e 680 mijë vaksinime dhe kanë mbërritur mbi 3.1 milion doza vaksine ndaj Covid-19.
