Ministrja e Shëndetësisë, Ogerta Manastirliu njoftoi sot të tjera masa me qëllim minimizimin e risqeve gjatë kësaj periudhe pandemie.
Në një videomesazh në facebook, Manastirliu ka deklaruar se duke nisur nga data 1 dhjetor, bazuar në rekomandimin e Komitetit të Ekspertëve, i rekomandohet MASR alternim i mësimit online e fizik në klasa.
“Fëmijët nuk janë transmetues të lartë të infeksionit dhe rezulton se protokollet e sigurisë janë zbatuar, por për të minimizuar risqet gjatë kësaj periudhe, ku ka dhe viroza stine, kemi vendosur që të rekomandojmë Ministrinë e Arsimit që nga data 1 Dhjetor, të aplikojë skenarët që parashikojnë kryerjen e mësimit të alternuar, pra në formën tradicionale, me prani fizike duke e kombinuar dhe me mësimin në distancë (online) bazuar në specifikat e sistemit arsimor dhe të dhënave lokale përkatëse në bashkëpunim me autoritetet shëndetësore”, tha Manastirliu.
