Ministrja e Shëndetësisë, Ogerta Manastirliu bëri me dije se ka nisur vaksinimi i mësuesve dhe do të shtrihet në të gjithë vendin dhe se 368,000 vaksina kundër gripit do të jenë falas.
Këto deklarata Manastirliu i bëri gjatë vizitës në shkollën “1 Qershori” në Tiranë, ku e pranishme ishte dhe ministrja e Arsimit, Evis Kushi.
“Vaksinimi do të vijojë në çdo qendër shëndetësore, si pjesë e strategjisë së vjeshtë-dimër për mbrojtjen e grupeve të rrezikuara duke filluar nga personeli mjekësor, fëmijët, gratë shtatzëna, të moshuarit, personat me sëmundje kronike dhe edukatoret e arsimtarët në të gjithë vendin”, u shpreh Manastirliu.
