Lefter Maliqi, deputeti i Partisë Demokratike shprehet se arsyeja që u dorëhoq nga lista e kandidatëve për deputetë të opozitës në Berat ishte zhgënjimi nga Lulzim Basha.
Maliqi tregon se Basha i kishte premtuar atij pas zgjedhjeve lokake se do ishte i pari në listë, ndërsa u pozicionua i treti.
“Basha më tha ‘mos fol me njeri, unë ty të kam, ti do jesh i pari në listë, vazhdo puno dhe mos fol me njeri’. Unë i thash ‘s’ka problem, i pari dhe i dyti unë të siguroj 3 mandate, por mos më zhgënje me banorët se i kam votat personale.
I kërkova takim ditën e shtunë pas protestës. E takova dhe i thash ‘zgjidh, o numrin dy o pazaret’. Ndërkohë që i mohoi pazaret, i thash ‘ke afat deri të mërkurën, më ke zhgënjyer totalisht, njerëzit nuk të besojnë më dhe nuk të votojnë më’. Më tha, ‘Eduart Halimi është ministër dhe ti je deputet’. Si qenka ministër? Si fiton ti kur je shumë dobët në bazë? Kjo do të thotë se t’i do bësh pazar me PS se s’ka mundësi që ti të më thuash mua se ai do bëhet ministër dhe ti deputet. ‘Unë do fitoj vetë mbi 60, mbi 70 mandate’, tha. I dhash dorën dhe i thash ‘të pres deri të mërkurën’, pra deri sot”-u shpreh Maliqi në një intervistë për Top Channel.
Maliqi u shpreh se arsyeja pse ai ka marrë vendimin të mbështesë Ramën në zgjedhje është se mbështetësit e tij i kanë kërkuar të jetë i pari në listë përndryshe nuk do ta votonin.
“Nuk e njoh Edi Ramën. Jam takuar njëherë me të në 2009, kur unë isha deputet dhe ai kryetar bashkie. Unë kam kontaktuar njerëzit e mi dhe më kanë thënë ‘po erdhe i treti ne nuk votojmë më për ty, por do të votojmë për PS’. Ata janë të gjithë socialistë që ia dhanë votën PD për shkak të premtimeve të mbajtura nga ana ime. Unë i thash elektoratit, ‘kudo që të vini ju, unë jam me ju””, thotë Maliqi.
