Një aksident i rëndë i ka marrë jetën drejtuesit të motorrit të postës në hyrje të qytetit të Lushnjës.
Ngjarja ka ndodhur dje pranë ish-fabrikës së plastmasit ku motorçikleta e punonjësit të postës është përplasur me një automjet.
Për pasojë, ka humbur jetën drejtuesi i motorit punonjësi i postës, Ersuel Kamxhiu.
Ersueli ishte edhe një mbështetës i Lëvizjes Socialiste për Integrim dhe mik i afërt me drejtuesit e kësaj partie.
Monika Kryemadhi dhe ministri Petrit Vasili kanë ndarë dhimbjen për humbjen e të riut ndërsa shprehen të tronditur për aksidentin tragjik.
“Tragjike për të gjithë ne! Do na mungosh! Lamtumirë djalë i mirë e i dashur! Lamtumirë Ersuel!”-shprehet Kryemadhi.
“Sapo mesova per lajmin tragjik. Ersuel Kamxhiu u nda prej nesh. Nje dhimbje qe na e copetoi zemren. Buzeqeshja dhe dashuria e tij do na mungoje gjithe jeten. Nje dite te tille te dhimbshme nuk do donim ta jetonim kurre. U prehsh ne paqe o djale i mire, mik i shkelqyer dhe familjar i mrekullueshem. Me dhimbje pa sherim te pershendes per te fundit here.”-shprehet ministri i drejtësisë.
