Pas përfundimit të mbledhjes së grupit parlamentar të PD-së, Lulzim Basha foli për deklaratën e ambasadorit të SHBA-së në Tiranë, Donald Lu.
Basha ka deklaruar se është duke u përgatitur një platformë politike që do të luftojë krimin e organizuar.
“Blerja dhe tjetërsimi i votës nga Rama dhe PS u bë nga paratë e pista të krimit të organizuar dhe ndihmës së bandave dhe klaneve kriminale të krimit të organizuar. Qytetarët e kanë të qartë se kur një qeveri del nga shitblerja e votës edhe vete qeveria është e blerë.
Vendi është në prag të një gremine, është një katastrofë totale sa i përket shtetit ligjior dhe demokracisë. Kjo është një këmbanë alarmi për çdo shqiptar të ndershëm.
Ndaj PD po përgatit një plan politik dhe ligjor për të nisur bashkë me shqiptarët e ndershëm pa dallime politike një luftë e cila dhe do të ketë vetëm një përfundim, mposhtjen e krimit të organizuar dhe për këtë duhet të mposhten ustallarët e tyre politikë. Fillimisht duhet me mposhtë Edi Ramën. Ti thuash Edi Ramës të luftosh krimin e organizuar, do të thotë ti thuash të luftojë veten e vet”, tha Basha.
