Një fjalim emocional dhe frymëzues i Donald Lu para të rinjve në Rrëshen.
Ambasadori i Shteteve të Bashkuara të Amerikës në Tiranë, teksa ka folur nga Rrësheni ku çeli takimin e parë të Serisë së Bisedave të Ambasadës Amerikane me të Rinjtë, u ka folur atyre për roline rëndësishëm që kanë në formësimin e Shqipërisë.
Fjala e Donald Lu
Ky është edhe takimi ynë i parë me shumë të rinj në qytete anembanë Shqipërisë. Ne kemi një mesazh për ju, por ne gjithashtu shpresojmë që të mësojmë diçka nga ju sot.
Këtu është mesazhi ynë i thjeshtë:
Ndryshime të mëdha po vijnë për Shqipërinë.
Ju keni një rol të rëndësishëm për të luajtur në të ardhmen e Shqipërisë.
Ju duhet të kërkoni ndryshim nga udhëheqësit tuaj.
U rrita në një vend të mahnitshëm në Kaliforni. Kishim bukurinë e pabesueshme natyrore, njerëz të këndshëm dhe ushqim të shijshëm. Më kujton pak Rrëshen. Në moshën 18 vjeç, u largova nga Kalifornia për të studiuar, për të gjetur një punë dhe për të rritur një familje.
E kuptoj tani që unë do të punoj dhe do të kursej paratë e mia gjatë gjithë jetës time, vetëm një ditë kur të dal në pension, mund të kthehem në shtëpinë time në Kaliforni.
Ju jeni te rinj. E ardhmja juaj është në Shqipëri dhe e ardhmja e Shqipërisë është tek ju.
Unë besoj fuqimisht se Shqipëria do të bashkohet me Bashkimin Evropian në dekadën e ardhshme. Të gjithë ju, fëmijët dhe nipërit tuaj do të jetojnë si qytetarë të plotë të Evropës me të gjitha të drejtat dhe privilegjet e anëtarësimit në BE.
Ky ndryshim dhe shumë të tjerë po vijnë. Mos e humbisni mundësinë tuaj për të qenë pjesë e tyre. Prindërit mund t’ju tregojnë të gjitha ndryshimet që ata kanë parë:
Anëtarësimi në NATO
Liberalizimi i vizave me BE
Dekriminalizimi i parlamentit tuaj
Reforma gjyqësore
Por ndoshta ju do të më thoni, e mërzitshme! Ajo që duam është një edukim i mirë. Ne duam punë. Ne duam atë që shohim çdo ditë në TV, nga Mbretëria e Bashkuar, nga Gjermania dhe nga Shtetet e Bashkuara.
A e dini se si do të merrni të gjitha këto? Ju do ta kërkoni. Gjëja më e mirë për brezin tuaj është se nuk jeni të lidhura ngushtë me pritjet e ulëta të së kaluarës komuniste të këtij vendi.
Ju kërkoni punë si ata kanë në Gjermani. Ju prisni ligje kundër korrupsionit siç kanë në Mbretërinë e Bashkuar. Dhe ju këmbëngulni për liritë personale siç kanë në SHBA.
Ju jetoni në një demokraci. Nese ju kerkoni, qeveria duhet t’ju pergjigjet, ne te kundert ju e rrezoni. Keshtu funksionon demokracia.
Për shembull, në fillim të vitit shkollor, shumë njerëz, përfshirë edhe opozitën, kërkonin libra falas për studentët.
Ky është një vend i vogël. Nuk është një vend i pasur. Por është e arsyeshme që qytetarët të kërkojnë që qeveria të sigurojë para për të blerë libra për studentët e saj. Dhe kur qeveria të thotë se nuk mund ta përballojë atë, ju duhet të pyesni se si po paguajnë për ndërtesat e tyre, makinat e tyre luksoze dhe udhëtimet e tyre jashte.
Si një demokraci, përgjegjësia dhe fuqia janë me ju. Ne presim me padurim ditën kur ju te jeni udhëheqës të Shqipërisë. Ne e dimë se brezi juaj do të jetë më i mirë se gjenerata e tyre në udhëheqjen e Shqipërisë drejt së ardhmes së saj evropiane.
