Ambasadori amerikan në Tiranë Donald Lu ka reaguar pas akuzave të bëra një ditë më parë nga kryeprokurori Adriatik Llalla.
Lu shprehet që nuk ndjehet i frikësuar nga asnjë përpjekje për të minuar procesin e reformës në drejtësi, e cila sipas tij do të jetë e suksesshme dhe do të parandalojë korrupsionin në gjyqësor.
Gjithashtu përmes një postimi në faqen zyrtare të Ambasadës Amerikane në facebook, Lu shprehet:
“…Shtetet e Bashkuara kanë marrë një angazhim përpara popullit shqiptar për të monitoruar çdo hap të zbatimit të reformës në drejtësi.”
Postimi i ambasadës Amerikane në facebook
Shtetet e Bashkuara kanë marrë një angazhmi përpara popullit shqiptar për të monitoruar çdo hap të zbatimit të reformës në drejtësi. Asnjë përpjekje për të na frikësuar apo për të minuar procesin e reformës, nuk do të na pengojë që të sigurojmë që ajo do të jetë e suksesshme për të parandaluar manipulim politik dhe korrupsion në gjyqësor. Ky është një premtim.
