Ambasadori amerikan, Donald Lu dhe ajo e BE-së, Romana Vllahutin të shoqëruar nga ekspertë të EURALIUS dhe OPDAT morën pjesë në mbledhjen e deputetëve të PS
“Prania e ambasadorëve në mbledhjen e deputetëve është e pazakontë, por i pazakontë është edhe udhëkryqi në të cilin ndodhet reforma në drejtësi. Prania ime është shenjë e rëndësisë që ka për ne reforma në drejtësi”, tha ambasadori i SHBA-së, Donald Lu, menjëherë pas mbledhjes me deputetët e Partisë Socialiste.
Ndërsa ambasadorja e BE-së Romana Vllahutin tha: “Nuk mendoj se është e pazakontë që partnerët të flasin em njërio-tjetrin. Duhet që Shqipëria të arrijë standartet e duhura për të hyrë në BE dhe ne jemi të anagazhuar në dialog si miq dhe partnerë. Deputetët kanë të drejtën e tyre sovrane për të votuar në Parlament dhe nuk ndërhyjmë në sovranitetine e kësaj vote, por jemi të angazhuar të ndihmojmë me reformën në drejtësi në funksion të anëtarësimit në Bashkimin Europian”, tha Vllahutin.
Ambasadori amerikan, Donald Lu, ambasadorja e Bashkimit Evropian, Romana Vlahutin dhe ekspertët e EURALIUS dhe OPDAT, morën sot pjesë në mbledhjen e grupit parlamentar të PS-së. Kryetari i grupit parlamentar të PS-së, Gramoz Ruçi, ka shprehur gatishmërinë e kësaj partie për miratimin e reformës në drejtësi, brenda afatit.
Dy ambasadorët të shoqëruar nga ekspertët e OPDAT e EURALIUS, shkojnë edhe në mbledhjen e grupit të Lëvizjes Socialiste për Integrim. Ndërsa nesër, të njëjtin takim do të zhvillojnë me deputetët e PD-së.
