Meta: Do të procedojmë me shpejtësi për ta miratuar në Kuvend, është dakord edhe opozita
Lëvizja Socialiste për Integrim është dakord me draftin e miratuar nga qeveria për Byronë Kombëtare të Hetimit. I pari që përshëndeti miratimin e projektligjit për këtë çështje, ishte kryetari i LSI-së Ilir Meta, njëherësh kryetar i Kuvendit. Ai tha se do të procedohet në Kuvend me shpejtësi siç kërkon opozita për ta miratuar projektligjin. Pak minuta më pas, kryetari i grupit parlamnetar të LSI-së, Petrit Vasili konfirmoi mbështetjen për draftin e miratuar nga qeveria për Byronë e Hetimit. Vasili tha se procesi ishte gjithëpërshfshirës dhe me frymë konsensusi duhet të miratohet nga parlamenti.
“Ne përshëndesim miratimin e një ligji të tillë i cili paraqet një ligj të rëndësishëm për të gjithë specifikën dhe objektin që ai ka dhe që do të jetë objekti i punës së tij. Është gjithashtu për tu përshëndetur sepse ky draft ka patur edhe mbështetjen e OBDAT-it, pra që garanton cilësinë dhe integritetin e tij. Gjithashtu mënyra sesi eci ligji realizoi një process gjithëpërfshirës dhe konsensual pasi në këtë mënyrë merr përgjigje ose zgjidhje dhe një shqetësim i ngritur nga opozita për miratimin e këtij pr/ligji. Ky shqetësim që nga sot merr një përgjigje, pasi u miratua nga qeveria. Ajo që mbetet më kryesorja është që kjo strukturë të fillojë sa më parë nga puna, pasi objektivat që ligji ka dhe struktura e ngritur ka kanë të bëjnë me cështje të rëndësishme që në këtë mënyrë do të marrin përgjigje”, tha Vasili.
