Deputetja e PD, Jorida Tabaku deklaroi sot se Shqipëria ka rënë me 28 vende dhe konsiderohet nga Indeksi Bazelit si parajsa e pastrimit të parave në Europë, duke iu referuar listës së MoneyVal
Përmes një statusi në Facebook, Tabaku shprehet se pastrimi parave është i pari në renditjen negative, pastaj korrupsioni dhe rryshfeti janë të dytët në renditjen problematike. Sipas Tabakut, një binom i pandashëm që njollos çdo përpjekje të shqiptarëve për të integruar vendin në BE.
POSTIMI I PLOTË
📍Një nga 15 kushtet e BE për të zhvilluar konferencën e parë ndërqeveritare dhe çelur zyrtarisht procesin përfundimtar të integrimit është lufta kundër pastrimit të parave.
📌Shqipëria ndërkohë gjendet në listën gri të MONEYVAL dhe konsiderohet nga Indeksi Bazelit si një nga vendet kryesore ku mund të pastrohen paratë.
📌Në Europë renditemi të fundit, ndërkohë që jemi fqinj me Taxhikistanin.
📍Sivjet indeksi na rendit të 72 duke pasur rënie në raport me 2020: pastrimi parave është pari në renditjen negative, pastaj korrupsioni dhe rryshfeti janë të dytët në renditjen problematike.
📌Një binom i pandashëm që njollos çdo përpjekje të shqiptarëve për të integruar vendin në BE.
📍📍Ndërtimi sidomos në Tiranë, investimet nga sipërmarrje me pikëpyetje në turizem me bekimin e qeverisë, lojërat e fatit janë sektorët që kanë njollosur Shqipërinë në këtë renditje, e po pengojnë rrugëtimin tonë në BE.
📌Pavarësisht retorikës së ditës, propagandës së rremë e çdo shfaqje që ngre tendat sa herë del Rama, faktet bërtasin!
📌📌Kjo mazhorancë nuk ka vullnetin dhe as dëshirën për të përmbushur kushtet dhe për të integruar vendin!
