Ata që menduan se protesta e kuksianëve dhe mbështetësve të tyre në kryeqytet do të ndalon, paskan qenë të gabuar.
Rruga para Drejtorisë së Policisë së Tiranës është bllokuar nga familjarët e 23 personave që u arrestuan në Kukës pas protestës në Rrugën e Kombit.
Ata kërkojnë lirimin e të akuzuarve për “vandalizëm”, siç u shpreh dje kryeministri Edi Rama.
Policia i ka larguar nga trotuari, pasi sipas saj pengonin kalimin e qytetarëve. Kjo është arsyeja që protesuesit janë zhvendosur në rrugën ku qarkullonin automjetet, duke bllokuar kalimin e tyre.
Qysh në mëngjes me qindra qytetarë të paorganizuar nga asnjë forcë politike janë mbledhur para Drejtorisë së Policisë së Tiranës. Ata kërkojnë lirimin e njerëzve të tyre, të arrestuar në Kukës orët e para të së djelës së Pashkëve, pasi protestuan duke refuzuar të paguajnë taksë për të kaluar në Rrugën e Kombit.
