Kërkesa për lirimin e KZAZ numër 2 në Shkodër pas dekretit të presidentit Meta është shoqëruar me tensione të forta.
Në ambientet e jashtme të KZAZ-së kanë qenë të pranishëm sot dhe ish-deputetë të PD-së, të cilët janë përplasur me punonjësit e policisë.
Punonjës të bashkisë dhe ish-deputetë të PD-së, si Bardh Spahia, nuk i kanë lejuar FNSH-në dhe forcat policore të futen brenda dhe kanë mbyllur dyert, pasi ata kërkojnë lirimin e kësaj qendre votimi.
Ish-deputeti Bardh Spahia që ndodhet pranë banorëve të Shkodrës, te cilet kundershtojne procesin fals zgjedhor, e ka vleresuar kete akt te dhunshem te Policise si urdher politik te Edi Rames.
