Ligji antishpifje që pritet të kalojë sot në Kuvend nga ana e Partisë Socialiste ka nxitur debate dhe vetë brenda grupit parlamentar të kësaj force politike.
Ish-ministri i jashtëm, Ditmir Bushati ka kërkuar që të mos kalohet kjo paketë, pasi bie ndesh me rekomandimet e Këshillit të Europës. Ndërkohë Taulant Balla ka pretenduar se ky ligj është konsultuar me OSBE-në.
Bushati: Bie ndesh me Këshillin e Europës. Ata nuk e kanë kërkuar këtë ligj. Ne po nxitohemi që po bëjmë një ligj të tillë.
Balla: E dakordësuam me OSBE. Do ta miratojmë sot variantin e përmirësuar.
Lidhur me projektligjin e qeverisë për paketën Antishpifje, qindra gazetarë, aktivistë dhe qytetarë po protestojnë sot përpara godinës së Kuvendit.
