Nënkryetarja socialiste e Kuvendit, Valentina Leskaj ka ftuar opozitën të votoj vetting-un dhe të vijojë protestën si detyrim ndaj Kushtetutës, qytetarëve dhe BE-së.
“Votimi i vetting-ut është një detyrim kushtetues, të cilin duhet ta zbatojë edhe opozita. Ata mund të vazhdojnë protestën, por ndërkohë duhet të vijnë të votojnë vetting-un. vetting-u është gjëja që e mban peng hapjen e negociatave të Shqipërisë në Bashkimin Europian”, shprehet Leskaj.
Pavarësisht ftesës, socialistët duken të vendosur për të shkuar në zgjedhje edhe pa opozitën.
“Ne jemi të vendosur dhe padyshim që do të bëjmë zgjedhjet. Ne kemi detyrim kushtetues që në datën 18 të shkojmë të japim llogari para popullit për ato që kemi bërë dhe nuk kemi bërë dhe për atë që do të bëjmë në të ardhmen“, tha Leskaj.
