Policia e Vlorës ka arrestuar 3 persona dh ka proceduar penalisht 4 të tjerë këtë mëngjes për vepra të ndryshme penale. Sipas burimeve, është vënë në pranga një 46-vjeçar në banues në lagjen “10-Korriku”, Vlorë, pasi dyshohet se i ka vjedhur aparatin celular një shtetasi. Ndërkohë, policia rrugore, ka arrestuar në flagrancë dy persona të moshës 46 dhe 59-vjeç, pasi drejtonin makinën pa patentë dhe në gjendje të dehur.
Më tutje, bëhet me dije se është arrestuar një 26-vjeçar, banues në lagjen “Uji Ftohtë”, Vlorë, pasi gjatë kontrollit të automjetit iu gjet një sasi lënde, e dyshuar cannabis sattiva. Sakaq, Specialistët e Hetimit të Krimit në Komisariatin e Policisë Sarandë proceduan penalisht për veprën penale “Kalimi i paligjshëm i kufirit shtetëror”, shtetasit K. Ll., 27 vjeç, P. M., 38 vjeç, dhe S. M 28 vjeç banues në Cakran, Fier, pasi kanë kaluar kufirin drejt Greqisë në mënyrë ilegale.
