Duket se situata e koronavirusit në vendin fqinj po stabilizohet. Për këtë arsye qeveria ka ndryshuar masat kufizuese dhe bëhet me dije se, nga data 7 shkurt hyrja në Greqi për ata që kanë një certifikatë evropiane do të bëhet pa test të detyrueshëm, ka thënë ministri i Shëndetësisë, Thanos Plevris.
Më herët, ministri foli për ANT1 për punonjësit e kontraktuar shëndetësorë ndihmës që janë anëtarësuar në Sistemin Shëndetësor Kombëtar dhe deklaroi se “për 12 mijë ndihmësit, të cilëve kontrata u skadon më 31 mars, do të marrim një marrëveshje që t’i zgjasim kontratat pothuajse deri në fundviti, ndërkohë që njëkohësisht do të ketë edhe pikëzimin e tyre, për shkak të eksperiencës që kanë fituar dhe njëkohësisht shpallet për 4000 pozicione në SKS”.
Lidhur me pezullimin e kontratës që vlen për punëtorët shëndetësorë të pavaksinuar, ministri i Shëndetësisë fillimisht tha se “nuk mendojmë të zgjasim pezullimin edhe për ata që nuk kanë bërë dozën shtesë të vaksinës ”.
