Ish-drejtues i rëndësishëm i Partisë Socialiste, drejtonte prej dy vitesh Inspektoriatin Qëndror pranë kryeministrit
Ilir Zela ka dhënë dorëheqje nga posti i kreut të Inspektorati Qëndror pranë Këshillit të Ministrave. Burime të 27.al konfirmojnë largimin tij por nuk janë bërë ende publike arsyet e dorëhqejes nga ky post. Inpektoriati Qëndror pranë Këshillit të Ministrave ishte në varësi direkte të Kryeministrit, Edi Rama dhe u emërua në këtë post në mars të vitit 2014.
Ilir Zela ka mbajtur poste të rëndësishme në qeverisjen e parë të PS-së, dhe ka qënë pjesë e strukturave të larta drejtuese të kësaj partie. Ka mbajtur postin e ministrit të Transpotrteve në qeverinë Nano, ka qënë anëtar kryesie i PS-së dhe sekretar i marrëdhënieve me publikun. Zela ka qënë kryetari i parë i forumit rinor socialist FRESSH. Ishte anëtarë i Asamblesë Kombëtare deri në prill të këtij viti, kur u bënë zgjedhjet e reja në PS, ku nuk u rizgjodh në forumet e kësaj partie. Ilir Zela është një prej ish-drejtuesve të rëndësishëm të PS-së që largohet nga angazhimet pranë kësaj partie.
