Teksa Shqipëria priste që në ditët në vijim të merrte dritën jeshile për çeljen e negociatave duket se diçka e tillë tani për tani nuk është e mundur.
Duket se për Shqipërinë dhe Maqedoninë Veriore ky proces do të bëhet realitet në qershor të vitit 2019.
Gjatë takimit të sotëm të Këshillit të Marrëdhënieve të Përgjithshme, që merret me përgatitjet e takimeve të Këshillit Europian, është përcaktuar udhërrëfyesi drejt hapjes së negociatave.
Komisioneri për Negociatat e Zgjerimit, Johannes Hahn, tha se çështja e hapjes së negociatave është e qartë në qershor 2019.
Ky raport për Shqipërinë thekson se nevojitet më shumë progres me Reformën në Drejtësi, luftën kundër korrupsionit dhe krimit të organizuar.
