Policia e Laçit ka parandaluar një ngjarje të rëndë kriminale, duke arrestuar në flagrancë shtetasin Shkurt Shkurti për kanosje. 67 vjeçari është vënë në pranga pas një konflikti për motive të dobëta me shtetasin me iniciale Gj.P . Atij i është gjetur dhe sekuestruar një armë zjarri me të cilën ai kishte kërcënuar shtetasin dhe familjarët e tij.
Mësohet se ndërkohë që një pjesë e shërbimeve të policisë po kontrollonin brenda në banesë, shtetasja L.Sh. 21 vjeç, ka dalë me një armë zjarri automatik nga pjesa e oborrit të banesës dhe e ka hedhur këtë armë në oborrin e banesës së fqinjit. 21 vjeçarja ka tentuar kështu ta fshehë armën e zjarrit por është konstatuar nga efektivët e policisë. Autoritetet kanë nisur proçedimin penal në gjendje të lirë për shtetasen L.Sh.
