Kuvendi ka çuar në Komisionin Qëndror të Zgjedhjeve 56 mandatet e dorëhequra të opozitës. Në bazë të ligjit, afati për dorëzimin e kërkesave në KQZ, është 30 ditë, por Kuvendi i ka dërguar listat në Komision brenda 24 orëve.
Pas depozitimit të kërkesave në KQZ, ky institucion do të zhvillojë procesin e zëvendësimit të deputetëve aktual me listat pasardhëse nga partitë kryesore. Nëse ata do të japin sërish dorëheqjen, lista do të vazhdojë deri në mbarimin e kandidaturave, proces i cili do të zgjasë disa javë, në mos disa muaj.
