Kuvendi ka miratuar me 97 pro, 0 kundër dhe 4 abstenime rezolutën e PS-së për shmangien e krizës institucionale kushtetuese për legjitimitetin e Gjykatës Kushtetuese.
Seanca e jashtëzakonshme erdhi pas dekretit të presidentit Ilir Meta për emërimin e Marsida Xhaferllarit në të njëjtin vend të zënë më parë nga gjykatësja Arta Vorpsi.
Ambasadori i Italisë në Shqipëri, Alberto Cutillo tha se e rëndësishme është që Gjykata Kushtetuese të funksionojë ndërsa u sugjeroi palëve të shkojnë për interpretim në Venecia.
“Palët janë ende shumë larg. Kam një sugjërim personal, palët të shkojnë për interpretim në Venecia, i cili do ishte profesional dhe mbi palët”, tha ai.
