Emri i aktorit, Mishel Manoku, rezulton të jetë i njohur për policinë.
Ai ka vuajtur një dënim për plagosje dhe kundërshtim të forcave të policisë.
Manoku është qëlluar mbrëmë me 6 plumba në ambientet e një lokali në afërsi të gjimnazit “Partizani” në rrugën “4 dëshmorët” në kryeqytet.
Manoku ka luajtur në filmin “Saimir” të Xhevdet Ferrit pikërisht në rolin e Saimirit.
Në film, i ati i tij, Edmondi, (Xhevdet Ferri) , transporton emigrantët që sapo zbarkojnë në brigjet italiane.
Saimiri e ndihmon herë pas here, por gjithmonë e me shumë kerkon lirinë e vet larg të jatit.
Perpiqet të krijoj raporte me bashkëmoshatarët e vet italiane por pa sukses.
Një natë në kamionin e të atit njeh një vajzë të re të cilën trafikantet e kishin për prostitucion.
Saimiri perpiqet ta lirojë me forcat e tij, nuk ja del dot dhe në fund hakmerret ashpër kundër të gjithve.
Ky është filmi i parë i regjisorit Francesco Munzi, “Saimir” është ndoshta filmi i parë italian që arrin me një farë suksesi të pasqyrojë një pjesë të realitetit shqiptar larg shablloneve të zakonshme.
Interpretimi i Xhevdet Ferri dhe i debutuesit Mishel Manoku u priten mjaft mirë nga kritika italiane.
Pjesa më e madhe e dialogëve janë në shqip.
/Panorama.al/
