Ish-ministri i Drejtësisë Ylli Manjani ka reaguar për vendimin e qeverisë që të ndalojë përhapjen e koronavirusit në vend duke mbyllur klubet e natës, diskot dhe lounge baret. Manjani ka ironizuar me një shkrim në rrjete sociale duke thënë se sipas qeverisë, kush dëgjon muzikë pas orës 20:00, e zë virusi.
Nuk mungoi edhe thumbi për skandalet që kanë dalë rreth pamjeve brenda Infektivit duke thënë se, “kam mbledhur ca shishe plastike uji, po ti duan ata të infektivit për serum jua jap”
“Gjatë kohës që Kryeministri ishte te Këshilli Politik, qeveria e Tij deklaroi se kishte vendosur të mbyllte baret në plazhe. I lemë mënjanë disa pyetje ligjore si psh: kush e mblodhi qeverinë? Përse me akt normativ? Cila ishte nevoja dhe urgjenca për një akt normativ? Etj, etj… Më e bukura është se qeveria thotë se kush dëgjon muzikë pas orës 20:00 e zë virusi… hahahahahahahahahahahahahahahahhahahahaha…
Të puthsha mendjen- i thonë kësaj meseleje. Ah po, kam mbledhur ca shishe plastike uji, po ti duan ata të infektivit për serum jua jap”, shkruan Ylli Manjani.
