Po udhëtonte pas eksortës së kryetarit të Kuvendit dhe është ndaluar nga policia rrugore.
Bëhet fjalë për deputeten e opozitës Albina Deda.
Sipas ligjvënëses së Partisë Demokratike policia e ka ndaluar gjysëm ore, ndërsa bashkëshorti i saj shprehet se ky është një turp.
Albina Deda ka hedhur vetë në rrjet disa çaste të këtij ndalimi dhe komunikimi me policinë, madje në një moment ajo i ka rekomanduar policit rrugor: “Shko e mblidh hashashin, kaq po të them!”
Më pas Albina Deda ka kërkuar publikisht që kryetari i Kuvendit, Ilir Meta të prononcohet nëse ajo me familjen i ka sjellë ndonjë shqetesim eskortës së tij, pasi sipas saj ka qenë pas eskortës mbi 20 metra me një makinë, e cila ka tabelën e Kuvendit dhe policia e ka ndaluar me motivin që është kërcënuar kryetari i Parlamentit.
Nuk dihet, nëse nga ky prononcim i mundshëm i kryetarit të Parlamentit mund të tronditet koalicioni qeveritar dhe të krijohet një aleancë e re politike.
Sipas ligjit, policia rrugore duhet të ndalojë të gjitha makinat që shkojnë pas eskortave shtetërore.
Më poshtë filmimi që vetë deputetja Albina Deda ka hedhur në rrjet:
