Akti i parë i çerekfinales së Kupës së Shqipërisë mes Dinamos dhe Partizanit është mbyllur në barazim 1-1. Edhe pse u luajt në një atmosferë të vakët për sa i përket numrit të tifozëve, ku dueli prodhoi mjaft emocione, teksa të dyja skuadrat kërkuan me ngulm fitoren, por gjithçka duket se mbeti e hapur për në sfidën e kthimit.
Në minutën e 24-t, Tedi Cara zhbllokoi sfidën duke përfituar nga një pasiguri e portierit Simoni, ndërkohë që në minutën e 43-të, Ibrahimi vendosi baraspeshën nga pika e bardhë e penalltisë.
Në pjesën e dytë, Partizani i Mehmetit i shkoi shumë pranë golit të dytë me Malën dhe Koten, por pa sukses. Vlen të theksohet se në sfidën e kthimit, që do të luhet pas 2 javësh, nuk do të ketë vlerë goli në fushën kundërshtare, për shkak të rregullores që është ndryshuar së fundmi në të gjitha kompeticionet.
