Një shtetas turk është arrestuar dhe tre të tjerë janë vënë nën hetim nga policia turke pas shkëmbimit të informacionit me policinë shqiptare për kultivim të lëndëve narkotike.
Ndërkohë policia ka shpallur në kërkim dy shqiptarë dhe një tjetër turk, si pjesë e grupit kriminal që dyshohet se ishin të përfshirë në këtë veprimtari kriminale në Manisa të Turqisë.
Policia bën me dije se gjatë operacionit janë sekuestruar 3 armë zjarri pistoleta, municion luftarak, 8.6 kg marijuanë, 9 pako me drogë sintetike dhe 211 bimë narkotike të kultivuara.
