Kryetari i Bashkisë së Rrogozhinës, Beqir Nuredini nuk ka mundur më të heshtë pas një konflikti të gjatë me drejtorinë e rrugëve. Ai prej muajsh vazhdon një betejë, e cila i ngjan atyre me mullinjtë e erës. ARSH pa dhënë kurrfarë alternative për banorët e zonës, sipërmarrësit dhe pushuesit e shumtë ka mbyllur të gjitha daljet për në fshatrat, bizneset dhe plazhet buzë autostradës që lidh Tiranën me Rrogozhinën. Pa ndërtuar asnjë aleternativë, kurrfarë rrugë dytësore apo kalesë tjetër, ARSH ka vendosur të izolojë të gjithë këtë zonë.
Ja reagimi i mëposhtëm i kreut të Bashkisë së Rrogozhinës.
“ARSH (autoriteti rrugor shqiptar) është kthyer totalisht në një institucion qesharak. Bllokon çdo hyrje e dalje në autostrada për qytetarët e biznesin pa dhënë asnjë alternativë zgjidhjeje, ndërkohë bën cirk për hyrjet e daljet e karburanteve duke i kthyer në qesharake rrugët dytësore, çfarë shpjegimi ka??? Ky është nje turp i madh!”
