Kryetarja e LSI-së Monika Kryemadhi ka komentuar djegien së mandateve të opozitës dhe zëvendësimin e tyre nga KQZ me deputet të rinj.
Përmes një lidhje me Skype në emisionin “Të Paekspozuarit”, Kryemadhi akuzoi se parlamenti dhe KQZ po zvarrisin procesin e zëvendësimit të deputetëve për të zgjatur procesin e vakancave, duke shtuar se këto dy institucione nuk i kanë të gjitha listat.
“Mund të them që ajo që ndodh faktikisht është se parlamenti shqiptar dhe KQZ po zvarrisin procesin e zëvendësimit të deputetëve për të zgjatur procesin e vakancave, se nuk i kanë të gjitha listat. Nga 100 kandidatë, 17 do ta pranojnë mandatin. Sa më shumë të zgjatet procesi i vakancave aq më shum zgjatet ideja që parlamenti është iligjitim. Jo të gjithë njerëzit kanë të njëjtin intigritet, ka nga ata që janë trima, ka nga ata që kërcënohen, ka nga ata që kanë të kaluar të errët.Nuk i njohim më dhe nuk janë pjesë e LSI-së. I kemi dërguar edhe një letër KQZ-së”, u shpreh Kryemadhi.
