Duket se diskutimi më i rëndësishëm pas këtyre zgjedhjeve është mandati i PDIU në Tiranë ku përmes 2 videove të postuara deri më tani nga Mesila Doda vërehet qartë si votat e kësaj force kanë shkuar për një tjetër parti.
Në mbështetje të denoncimeve të Dodës ka dalë sot edhe Monika Kryemadhi përmes një postimi në rrjetin social Facebook.
Kryetarja e LSI thotë se rastet e denoncuara me fakte deri tani janë vetëm një pjesë e vogël e tjetërsimit të madh të votës që ka ndodhur me datë 25 qershor.
“Mirëmëngjes miq! Këto ditë të nxehta të korrikut doja të ndaja me ju atë që të gjitha partitë po denoncojnë me fakte konkrete, blerjen dhe deformimin e votës së 25 qershorit.
Farsën elektorale të drejtuar nga Edi Rama dhe zbatuar nga rilindasit e tij, arrogancën dhe pafytyrësinë e tyre për tjetërsimin e votës së shqiptarëve.
Unë jam e bindur që kjo është vetëm një pjesë e vogël e asaj që ka ndodhur vërtet në 25 qershor, sikunder jam e sigurt se beteja jonë për të rikthyer legjitimitetin e votës së shqiptarëve sapo ka nisur.
LSI tashmë është e qartë dhe e vendosur, e fortë dhe e bindur në luftën e saj për të rikthyer të drejtën themeltare të demokracisë, votën e lirë.
Ndaj për këtë do të jemi çdo ditë pranë qytetarëve, do të dëgjojmë dhe mbledhim çdo dëshmi manipulimi, do të hartojmë dhe ndërtojmë politikat tona për të dëshmuar këtë farsë elektorale, për të vërtetuar edhe njëherë para të gjithë shqiptarëve dhe ndërkombëtarëve që duan të dëgjojnë të vërtetën, se 25 qershori ishte dita e deformimit të votës.
Beteja jonë sapo ka nisur dhe bashkë me ne është shumica e shqiptarëve, ajo që paratë e drogës dhe krimit nuk arriten ta blejnë! “, ka shkruar Kryemadhi.
https://www.facebook.com/mesila71/videos/10155422014640690/
