Dhjetëra hektarë me sipërfaqe pyjore në Krujë janë duke u djeguir në këto momente, ndërsa ndërhyrja e forcave zjarrfikëse duket e pamundur.
Sipas informacioneve paraprake, zjarri në malin e Krujës është i qëllimshëm dhe për shkak të terrenit të thyer e mungesës së rrugës forcat zjarrfikëse e kanë të pamundur të afrohen për të shuar flakët.
Flakët kanë nisur në afërsi të fshatit Rrancë, kurse shtëllungat e tymit kanë mbulluar gjithë zonën.
Autoritetet lokale kanë kërkuar ndërhyrje të menjëhershme nga ajri me helikopter për të shuar flakët pasi janë dhjetëra hektarë pyje duke u djegur.
