“Mënyra e zgjedhjes së Kryetarit të PS është atribut dhe kompetencë e Kongresit të Partisë, nga ku burojnë edhe Statuti dhe Programi”
Komisioni i Garancive Statutore në PS rrëzoi kërkesën e disa anëtarëve të Asamblesë Kombëtare të PS-së, për zgjedhjen e kryetarit të partisë. Ish-presidenti Rexhep Median, deputetet Arta Dade e Mimoza Hafizi, kishin kërkuar që Komisioni i Garancive Statutore të përcaktonte zgjedhjen e kryetarit të partisë, pasi mandati i Ramës në këtë post ka përfunduar. KQGS ka rrëzuar kërkesën e tyre duke sqaruar se mënyra e zgjedhjes së kryetarit është atribut i Kongresit të Partisë.
“Kongresi Zgjedhor i thirrur, mund të ndryshojë rendin e ditës së mbledhjes së tij me shumicë votash, si dhe ka të gjitha kompetencat dhe tagrin për të realizuar çdo ndryshim të Statutit, përfshirë mënyrën dhe procedurat e zgjedhjes së organeve qëndrore, nëpërmjet zgjedhjes sipas parimit “një anëtar një votë” apo sipas parimit të zgjedhjes nga organet përfaqësuese. Mënyra e zgjedhjes së Kryetarit të PS është atribut dhe kompetencë e Kongresit të Partisë, nga ku burojnë edhe Statuti dhe Programi”, theksohet në vendimine KQGS-së.
