Nga Indrit Vokshi
Po qarkullokan portalet prononcimin e një vajze e cila thotë “S’kemi nevojë për Kosovën, i duam veç për turizëm” dhe, kjo na u quaka hapje e “Debatit të Madh”. Kjo gjë, në ketë moment, përdoret nga mjeshtrat e propagandës për të thënë se shiko, shqiptarët nuk e duan bashkimin, “qytetarët” e Tiranës, nuk e duan.
Në fakt ka vite që investohet që shqiptarët e Shqipërisë të mos e duan bashkimin. Kjo mendësi polli shprehjen “Vëllezërit kinezë dhe miqtë kosovarë”. Që ta dini, në vitet 1940-1944, pati një bashkim Kosovë-Shqipëri. Kosovarët morrën poste në Tiranë, kryeministrin, Rexhep Mitrovica, ministrin e brendshëm, Xhaferr Deva. Këta ishin nacionalistë, Xhaferri sidomos luftoi kundër komunistave pro-sllavë. Kreu masakrën e 4 shkurtit ku i mori komunistët nga shtëpiat dhe i pushkatoi.
E paraqitën si bishë. Në fakt ishte familje patriotike, i ati Ibrahim Deva pagoi mësues privat nga Gjirokastra për të dhënë mësim shqip në Mitrovicë. Xhaferri studioi në Robert College në Stamboll, pastaj në Vjenë. Komandoi trupat e Lidhjes së Dytë të Prizrenit, kundër sllavëve, pastaj kundër bijëve të sllavëve në Tiranë. Kur lufta u fitua nga këta, pas 1944, nisi propaganda e shfrenuar kundër kosovarëve dhe veriorëve. Se ishin anti-sllavë.
Më thotë xhaxhai, tregon gjyshi, në Mamurras në 1945, tek “kulla e Nihat Konomit” ose “Kulla e Bejlegut”, partizanët e nisur për masakra në veri kërcenin e këndonin “Hidhe toskë këmbën, qija gegës nënën”. Ia tregova një ish anëtari të Lidhjes së Shkrimtarëve. Më tha po, ky ka qenë titull në gazeta Bashkimi. Sot kanë fytyrë e thonë “Berisha nisi përçarje krahinore” kur në fakt e nisën vetë komunistët me tituj e këngë të tilla. Kosovarët janë gegë, madje kryegegë. Ndaj propaganda ndaj tyre si “rracë e keqe” vazhdon dhe trashëgohet, tashmë si propagandë urbane.
Mirëpo “rraca e keqe” po shkëlqeka kudo ku shkoka, në art, muzikë, sport, ata. Ata janë patriotët dhe, e keni vu re që ne këtu shesim topa plazhi dhe peshqirë me flamur vetëm se i blejnë ata. Prandaj s’duhet me u mërzit, se këta të cilët sponsorizojnë propagandë të tillë, bijt e bijat e atyne janë, krimbave anti-shqiptarë. Kaq.
