Lidhja Demokratike e Kosovës është kundër çdo bashkëpunimi me koalicionin e udhëhequr nga Ramush Haradinaj.
Kjo u bë e ditur sot pas mbledhjes së kësaj partie me kryetarët e degëve të saj në Kosovë.
Lidhja Demokratike e Kosovës dhe lëvizja Vetëvendosje kanë refuzuar ftesën e Haradinaj për bisedime për krijimin e qeverisë duke theksuar se po presin që koalicioni i tij të dështojë në përpjekjet për ngritjen e qeverisë, meqë nuk i ka votat e mjaftueshme.
Kjo ka bërë që zoti Haradinaj të kërkojë vota individualisht tek deputetë të caktuar të koalicionit të Lidhjes Demokratike me Aleancën Kosova e Re.
