Shqipëria u mposht nga Kosova me rezultatin 0-3, në vëllazëroren e zhvilluar në Zvicër. Një paraqitje skandaloze për kuqezinjtë e Panuçit, të cilët bënë goditjen e parë në portë në minutën e 77-të duke zhvilluar një ndeshje totalisht zhgënjyese.
Pjesa e parë përfundoi me rezultatin 0-1 me golin e Arbër Zenelit. Ndërsa në pjesën e 2-të, ishte përsëri Zeneli që dyfishoi rezultatin me një super gol, ndërsa në minutën e 67-t, 19-vjeçari Zhegrova realizoi golin e tretë.
Një humbje e hidhur që ve në pikëpyetje të madhe aftësitë e Panuçit si trajner. Shqipëria pritet të luaj një tjetër takim miqësor më datën 2 qershor ndaj Ukrainës.
