Ministria e Drejtësisë së Kosovës i ka nisur një letër tjetër zyrtare autoriteteteve franceze, ku për herë të dytë brenda javës kërkohet lirimi i ish-kryeministrit, Ramush Haradinaj.
Në një dalje për mediat, ministri i Jashtëm I Kosovës, Enver Hoxhaj, konfirmoi lajmin:
“Gjatë ditës së sotme ne kemi bërë një kërkesë të dytë, ministria e Drejtësisë bën kërkesa të tilla, ku dëshmon në detaje se Serbia nuk ka juridiksion mbi Kosovën dhe kërkesa të tilla janë të pavlefshme. kemi përmendur një numër të gjatë rastesh kur ish pjesëtarë të UÇK-së janë ndaluar e liruar brenda një afati të shkurtër”
Hoxhaj tha gjithashtu se ka bërë kërkesë për vizitë zyrtare në Francë me qëllim të takoj ministrin dhe në emër të popullit të Kosovës të informoj edhe një herë në detaje për rastin.
Ministri Hoxhaj sygjeroi që Presidenti, Kryeministri, Ministri i Brendshëm, Ministria e Jashtme dhe Ministria e Drejtësisë te nisë një qarkore të gjithë shteteve anëtare të Interpolit që fletë-arreste të tilla të mos merren në konsiderate.
