Anëtarët e Grupit të Punës ngritur pranë PD për Corona Virus, Albana Vokshi dhe Gazment Koduzi, në një deklaratë për shtyp pas monitorimit në Qendrën Shëndetësore Kamëz u shprehën se qeveria po bën vetëm propagandë.
Sipas ish-deputetes Albana Vokshi qeveria nuk ka marrë asnjë masë për pajisjen e me mjete elementare dhe gjithashtu Qendra Shëndetësore në Kamëz nuk ka pasur ujë 24 orë një ditë më parë.
“Pas shpalljes së grupit të punës, nga ana e PD-së, kanë ardhur më qindra telefonata dhe shqetësimi i tyre është se nuk është marrë asnjë masë nga ana e qeverisë për pajisjen dhe me mjete elementare. Nuk janë pajisur as me doreza, as me maska, as me dezinfektantë.
I gjithë stafi mjekësor është në mëshirë të fatit. Qeveria po bën propagandë, mjeku është ai që rrezikohet i pari. Ne u informuam se dje kjo qendër shëndetësore nuk ka pasur ujë 24 orë. I vetmi njoftim i qeverisë është lani duart lani duart, por nuk ka ujë.
Kemi informacione që të gjithë mjekët janë të pajisur nga një maskë. Kemi sinjalizime që mjekët të repartit të QSUT-së nuk janë pajisur me mjete elementare.”- u shpreh Vokshi.
Mjeku Gazmend Koduzi: Qendra shëndetësore është kontakti i parë me pacientin dhe kontaminojnë çdo virus. Vëmë re që nuk ka asnjë lloj mase mbrojtesë, për shkak se qeveria po merret vetëm me propagandë. Ka një indiferencë dhe paaftësi totale nga ana e qeverisë, për të siguruar jetën e mjekëve dhe qytetarëve.
