Ambasada Amerikane në Tiranë nëpërmjet një deklaratë të bërë në rrjetet sociale bën me dije se Shtetet e Bashkuara të Amerikës po mbështesin Shqipërinë edhe në drejtime të tjera siç është ushtria në këtë situate të vështirë që po kalon vendi ynë për shkak të koronavirusit.
Financimi i radhës i Amerikës prek ushtrinë me një program të vecatë për mësimin e gjuhës angleze pasi në këtë mënyrë, ata do jenë më të përgatitur dhe ndërveprues në misionet e tyre me Shtetet e Bashkuara dhe aleatët e tjerë të NATO-s.
Njoftimi i plotë:
Ndërsa vëmendja jonë kryesore në këto çaste mbetet në luftën ndaj COVID-19, Shtetet e Bashkuara vazhdojnë të mbështesin Shqipërinë edhe në fusha të tjera.
Klasat në foto u krijuan nëpërmjet një dhurimi nga Departamenti amerikan i Mbrojtjes për Ministrinë shqiptare të Mbrojtjes.
Pasi të rihapen, këto klasa do të përdoren nga forcat ushtarake shqiptare për të mësuar gjuhën angleze, e cila do t’i ndihmojë të jenë më të përgatitur dhe ndërveprues në misionet e tyre me Shtetet e Bashkuara dhe aleatët e tjerë të NATO-s, do t’u mundësojë pjesmarrjen në trajnime të ardhshme, si dhe do të ndikojë mënyrën e tyre të mendimit, luftimit dhe trajnimit drejt një qasjeje më perëndimore.
Ky dhurim është pjesë e programit për “Trajnimin e Gjuhës Angleze”, që Departamenti i Mbrojtjes ka mbështetur prej vitesh tashmë në Shqipëri.
Shtetet e Bashkuara i kanë mbështetur përpjekjet e Shqipërisë për t’u bërë një aleate më e fortë në NATO, dhe kjo mbështetje vazhdon dhe do të vazhdojë gjithnjë edhe kur ky moment i vështirë të ketë kaluar”. #NeJemiNato – ëith Ministria e Mbrojtjes/Olta Xhacka
Aksident i rëndë në Mallakastër, 5 makina të përplasura dhe disa të lënduar –
Një aksident rrugor është regjistruar sot në zonën e Fratarit në Mallakastër, ku janë përfshirë pesë automjete. Sipas informacioneve paraprake,...
