Ditën e sotme është konfirmuar pozitiv nga koronavirusi një mjek kardiolog në shërbimin e sëmundjeve të brendshme në QSUT.
Ministria e Shëndetësisë njoftoi ditën e sotme se një mjek kardiolog është një nga 4 rastet e infektuara në Tiranë..
Gjatë javës së fundit, u raportua për infektimin e personelit mjekësor në QSUT, në repartin e Infektivit por jo vetëm. Ekspertët e shëndetit njoftuan se infektimi i personelit u bë për shkak të thyerjes së protokollit të sigurisë në ambientet spitalore.
Ditën e sotme Ministria e Shëndetësisë raportoi se gjatë 24 orëve të fundit u konfirmuan 6 raste të reja, duke e çuar numrin total në 1143 të prekur.
