Numri i viktimave nga Covid-19 në Itali, prej ditësh është në rënie, mirëpo sot ka pësuar një rritje të lehtë.
Gjatë 24 orëve të fundit janë regjistruar 179 të vdekur, 14 më shumë se dje, duke e çuar në 30.739 numrin e përgjithshëm të jetëve të humbura.
Ndërkohë numri i të infektuarve të rinj është ulur. Janë shënuar 747 të infektuar në 24 orët e fundit, 58 më pak se dje, duke e çuar në 219.817 numrin e përgjithshëm të të prekurve nga ky virus.
Numri i të shëruarve nga koronavirusi në vendin fqinj është 106.587.
