Italia ende nuk e ka fituar betejën me Covid-19. Numri i viktimave në 24 orë është ulur që nga piku i pandemisë, por ende mbetet i lartë pas më shumë se tre muajve.
Në 24 orët e fundit janë regjistruar 130 viktima, duke e çuar në 32.626 numrin e përgjithshëm të jetëve të humbura. Gjithashtu janë verifikuar 652 raste të reja duke e çuar në 228,658 numrin e të infektuarve që nga nisja e pandemisë deri më sot.
Të shëruar në 24 orët e fundit janë 2160 persona. Numri i personave aktiv të infektuar është reduktuar në 59,322.
